PROAKTIVA - MACEDONIA


ИДНИНАТА Е ОБНОВЛИВА!	ПРОАКТИВА ВИ ПРЕПОРАЧУВА...

Почетна

За нас

Енергија

Одржлив транспорт

Членови

Галерија

Линкови

English

Проактива е членка на:

Проактива
П.Фах 695, Скопје
тел/факс: 02 2465 963

info@proaktiva.org.mk

Жиро сметка на Проактива

Денарска сметка:
200000036054698

даночен број:
4030001410068

Депонент:
Стопанска Банка А.Д. Скопје

BANK ACCOUNT NUMBER:

Bank name and address:
Stopanska banka AD SKOPJE 11 Oktomvri br.7
1000 Skopje,
R. Macedonia

BANK Acccount number:
257300420-11878

BANK SWIFT CODE:
STOBMK2x

САТЕЛИТСКА ЛОКАЦИJА НА КАНЦЕЛАРИJАТА НА ПРОАКТИВА

кликни>>овде

	Енергетски ефикасна општина-2
	ОБУКА И ТРЕНИНЗИ: Обуките за примена на техниките на енергетска ефикасност ќе се состојат од теоретски и практичен дел. Теоретскиот дел ќе биде еднодневен на кој учесниците ќе бидат запознаени за основите на енергетска ефикасност, заштеда на енергија и обновливите извори на енергија. Практичниот дел ќе трае од 3 до 5 дена во зависност од големината на објектот и ќе се состои од поставување на силиконски ленти, промена на искршени стакла, поправање на искршените или оштетени дрвени рамки од прозорци и сл. Обуките на изработка на сончев систем ќе се состојат само од практичен дел кој ќе трае 5 до 7 дена. Првиот дел ќе биде тренинг за изработка на сончев колектор, а вториот за инсталација на сончевиот систем. Обуките ќе се изведат во текот на школската година за да бидат попристапни за учениците и нивните родители. Инсталацијата на енергетско-ефикасните сијалици во објектите и на канделабри за улично осветлување, поставувањето на рефлекторите со сензор во објектите, поставување на фото релеите за приклучување на уличното осветлување, поставувањето на федерите за затворање на врата, промена на батериите за вода и замената на греењето од струја на гас со две гасни печки во градинката ќе се направи за време на летниот одмор во училиштата заедно со хаусмајсторите, а за уличното осветлување заедно со јавното претпријатие кое е задолжено за одржување на истото. Едукативниот материјал ќе се подготви од веќе постоечкиот и достапен на англиски јазик, кој секако ќе се прилагоди на локалните потреби. Истиот ќе биде подготвен на македонски, албански и ромски јазик имајќи ја в предвид демографската слика на населението во општината. Образложение за проектот Насоката на енергетско развивање на Македонија има големо влијание врз националниот и економскиот раст, заштитата на околината и околностите за живеење на граѓаните. Користењето на фосилните горива пред се во енергетскиот и транспортниот сектор предизвикуваат се поголемо загадување на атмосферата со стакленичките гасови. Од друга страна за многу домаќинства во Македонија, месечните трошоци за енергија, претставуваат највисока ставка на семејниот буџет по храната, недоволна едуцираност на населението за заштеда на енергија. Општините во Македонија, повеќе нема да можат да сметаат на тоа државните министерства да ги плаќаат локалните трошоци и сега имаат нова и скапа одговорност да управуваат со сопствената потрошувачка на енергија. Македонија има ограничени извори на комерцијални енергетски ресурси и во иднина се повеќе ќе биде зависна од увоз на енергија. Превземањето на мерки за енергетска ефикасност може да го продолжи траењето на домашните енергетски ресурси и да ја одложи потребата за инвестирање во нова енергетска инфраструктура (која би користела фосилни горива). Досегашните наши искуства преку реализирање на проекти за енергетска ефикасност (на пр. изолација на објекти со силиконски ленти, замена на постојните со енергетско-ефикасни сијалици,...), како и за промоција на обновливите видови на енергија (монтажа на сончеви системи, изработка на сончеви колектори по принципот Унаправи самУ...) се многу позитивни и не тераат да размислуваме за продолжување, како и проширување на овие активности. Одржливост на проектот Преку промовирање на принципите на енергетска ефикасност проектот ќе се стреми да ги намали емисиите на јаглероден диоксид и другите стакленички гасови и да обезбеди подобар буџет во општините. Ефектите што сакаме да ги постигнеме се на долг рок. Намалувањето на испуштањето на стакленички гасови најмалку за 15% од изолација на објектите и заштеда на енергија околу 15% е реален процент кој очекуваме да се постигне со стратегијата за енергетска ефикасност во општините. Освен намалена емисија на јаглерод двооксид и намалените сметки за енергија, за време на реализација на проектот, тимот на проектот заедно со консултантите, ќе обезбеди квалитетна обука на волонтери во општината, се со цел и после завршување на проектот, едуцираните и обучени волонтери да можат континуирано да ги применуваат техниките за енергетска ефикасност и на други објекти (јавни или праватни). Печатениот информативен и едукативен материјал ќе послужи подолгорочно и подетално да ја запознаеме пошироката јавност со техниките и начините за изолација во објекти, заштеда на електрична енергија и заштита на животната средина. Според досегашното наше искуство, сончевите системи се самоисплаќаат за 5 до 7 години. Со оглед на најавеното скоро поскапување на струјата, се очекува периодот да се скрати на 3 до 4 години. Успешното воспоставување на принципите на енергетска ефикасност во општините, по завршувањето на проектот ќе послужи како пример каде Проактива ќе ја понуди за реализиција во другите општини во Р. Македонија.


	Последна обнова на информациите на 24.05.2008
	Сите права се заштитени ©2002/2008