- Македонски Енергетски Бригади -

Проектот се состои од практично промовирање на енергетската ефикасност во различни институции низ државата. Во проектот се опфатени инсталирации на ефтини и ефикасни техники за заштеда на енергија во разни институции и домаќинствата. Освен практичните активности проектот опфаќа и информативен дел каде јавноста преку работилници и предавања ја информираме за придобивките од енергетската ефикасност.

Значаен дел од проектот завзема и обучувањето на волонтери за вршење на изолација на прозори. Оваа активност е насочена кон тоа да им се даде шанса на младите невработени луѓе да се стекнат со знаење со цел да основат свои мали бизниси. На ова се надоврзува и нашата понатамошна поддршка на обучените волонтери.

Програмата на Македонските енергетски бригади е дел од активностите на Интернационалните енергетски бригади (ИЕБ) кои претставуваат мрежа на еколошки НВОи од Централна и Источна Европа, а работат на промоција на енергетска ефикасност. www.energybrigades.org

Листа на институции каде што досега сме извршиле изолација:

1. Детска градинка „Мајски Цветови“ - Скопје;
2. 6 домаќинства во општина Карпош;
3. Дом за стари лица - Злокуќани;
4. Презентација во средно медицинско училиште - Битола;
5. Детска градинка „Детска радост“ - Струмица;
6. Детска градинка „Росица“ - Скопје;
7. Основно училиште „Кирил и Методиј“ - Скопје

.