Во рамките на обележувањето на 20 години од најголемата нуклеарна катастрофа - Хаваријата на Нуклеарната централа во Чернобил (тогашен Советски Сојуз, сегашна Украина) , Проактива во соработка со Амбасадата на Украина во Македонија и Националната галерија на Македонија организира изложба на фотографии во Мултимедијалниот центар Мала Станица. На изложбата е предвидено да се прикажат 30 фотографии направени во околината на Чернобил во периодот март-септември 2005 година од фоторепортерот Вацлав Вашку. Тој со задоволство прифати ние да ја реализираме оваа изложба во Македонија и изрази жалење што не може да присуствува на отварањето, бидејќи во тој период ќе биде во Украина. Покрај во Македонија и Украина, изложбата паралелно ќе може да се проследи во десеттина други градови.

Особено треба да се истакне фактот дека овие фотографиите ја освоија втората награда за фотографија во областа на природа и животна средина за 2005 година во матичната земја на авторот - Чешка.

Отворање е точно на денот на кој се навршуваат 20 години од катастрофата, 26 април 2006 година во 19 часот.

На отворањето ќе говорат амбасадорот на Украина во Македонија, Г-дин Виталиј Москаленко, проект координаторот Г-дин Илија Саздовски од Проактива и директорот на Националната галерија на Македонија, Г-дин Златко Теодосиевски.

>>повеќе

Здружението на граѓани Проактива од Скопје продолжува со своите активности во областа на промоција на обновливите извори на енергија и енергетската ефикасност.
Oд 9 до 14 ноември се одржа обука во рамките на која се изработи сончев систем и истиот беше поставен на Домот за доенчиња и мали деца во Битола. Домот во моментов згрижува повеќе од 100 деца и голем дел од средствата ги користи за добивање на топла вода за секојдневните потреби. Согледувајќи го ова членовите на Проактива заедно со триесетина активисти од десет земји од Југоисточна Европа успеаа да состават и монтираат сончев систем со колектор од 6 м 2 и 200 литарски бојлер.

>>повеќе